Schnitzelbängg 2025
syt 25 Joor dien mir do ane ko,
25 Joor Wahnsinn - pfäfferscharf pointiert,
25 Joor Härzbluet – Lache garantiert,
doch Achtig!, Bassed uf! – Mir warne Eych drvor –
mir mache sicher grad nomoll 25 Joor…
plus 50% Zueschlag:
Au in 25 Joor simmer immer no drby –
doch denn miesst das Lokal do rollstuehlgängig sy...
© Fäldschnäggli '25
niene het’s e Baustell in dr ganze Strooss,
das ka nit Basel sy, saage grad di Maischte –
s’isch Lieschtel, will do ka me sich kai Baustell laischte…
© Fäldschnäggli '25
denn dailsch das durch sich sälber und dr Räschte ibre näh,
jetzt strychsch no alli Ainer und rundisch ganz genau –
ebbe so wird grächnet – bi dr AHV…
© Fäldschnäggli '25
drby isch bi de Saudis numme s’Portemonnaie scho offe,
si wänn Skirenne, d’Schutt-WM und d’ART organisiere –
am Schluss wärde die au no unsri Schwingfescht duurefiehre…
© Fäldschnäggli '25
syni grossi Stärggi isch die unsichtbari Fiehrig,
doch d’Afangseuphorie isch zimmlig schnäll verraucht –
wohrschinlig isch dr Muschti in e Dürüm ynedaucht…
© Fäldschnäggli '25
s‘Y het e Schwänzli unde - s’X het das nit,
doch ney isch d’Vyylfalt greesser - me am ESC denn gseht –
will denn kunnt uf Basel no dr Räscht vom Alphabet…
© Fäldschnäggli '25
(Melodie vom Nino de Angelo - Jenseits von Eden)Jä, wenn dr Ykaufstourischt ständig motzt wäg dr ney Wärtfreigränze,
und «de Böögg nöd dörf bränne, will s’Wätter moacht chli Durbulänze»,
und dr Hündeler schimpft wägem Fyyrwärgg - si Hund hätt gärn Rueh –
do saage mir vier numme drzue…
„mii-mii-mimi-mimimi-mii – mimimimi-mimimi-mimii…“
E Veganer, wo motzt, will är haig grad e Fliege gässe,
dr Trumpattentäter, wo hyylt, är haig d’Brille vergässe,
dr Expat, wo klagt, ass do niemerds si Frind mechti sy –
do drzue fallt uns numme y…
„mii-mii-mimi-mimimi-mii – mimimimi-mimimi-mimii…“
Är miess s’Autibillié gly scho abgäh - schimpft dr 90-jehrig Opa,
YB hyylt, will s’isch niemerds glych schlächt – in ganz Europa,
si benyyde ys wägem Shaqiri, das isch vellig glaar –
do git’s vo uns nur ai Kommentar…
„mii-mii-mimi-mimimi-mii – mimimimi-mimimi-mimii…“
© Fäldschnäggli '25
Kiffe macht vergässlig und alles isch egal,
au mir sin letschti z’Dyytschlaaaand gsiiiiii…
🤔 😮 😳 🙄 🤷♂️ 😵 🤓 🤷♀️ 🥴
© Fäldschnäggli '25
duss e bruune Schoggimantel - dinn Pistasch-Crocant,
mit Bligg uf unser Nochberland fände mir’s no nätt –
wenn alles mit'me bruune Mantel Pistasch dinne hätt...
© Fäldschnäggli '25
die ander ka au nyt, will si isch e Frau,
d’Scheffe, das sin Ärsch und hän alli ain am Gweyh –
doch, doch ych schaff scho gärn bi dr Basler Bolizey…
© Fäldschnäggli '25
Vor mir uf dr Route liggt e Räppli uf dr Strooss!
Nai, so fahr ych nimm!» …und grad dr Bättel anegheit –
genau so macht’s d’BVB, wenn’s mol bizli schneit…
© Fäldschnäggli '25
Jä, dr Donald Trump duet d’USA regyere,
und wurdi gärn d’USA au rymlig expandiere,
är will:
Grönland und Kanada, Mexiko, Panama und das nur wäg em Kanal,
Bahamas, d’Azore und d’Komore - Mallorca wäg El Arenal,
Jamaika, Aruba und au Kuba - Puerto Rico nit,
Kongo, Ruanda und Uganda, Kenia nimmt är au mit,
Finnland und Holland und Pole und Lettland und Belgie hätti sy Raiz,
Portugal, Ängland, Irland und Schottland - d’Dyyrgge wäge de Schnaiz,
Eeschtriich, Italie und au Australie - an Ziri duet är nit dängge,
obwohl mir ihm, näb de Schwoobe, Ziri grad wurde schängge,
Antarktis, Namibie und au Libye - Gaza darfs gärn au sy,
Fidji, Haiti und Tahiti – Frankrych wägenem Wyy…
Dr Trump sitzt in sim Oval Office und luegt grimmig dry –
«Wenn ych das alles will - denn isch das alles…
mii-mii-mimi-mimimi-mii – mimimimi-mimimi-mimii…»
© Fäldschnäggli '25
D'Helge het gmolt d' Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!