Schnitzelbängg 2002
Z' Oberwil gits e Lade, e grosse und e neue,
Dört gits vill tolli Sache, wo mir uns drüber freue,
Richtig untertauche zwüsche de Regal kasch in däm Lade,
Sag emol, Osama, wo verstecksch di denn du Made.
© Fäldschnäggli `02
Version Basel:
Z' Basel gits e Lade, e grosse und e neue,
Dört gits vill tolli Sache, wo mir uns drüber freue,
Richtig untertauche zwüsche de Regal kasch in däm Lade,
Sag emol, Osama, wo verstecksch di denn du Made.
© Fäldschnäggli `02
het me s' Tempo 30 z' Oberwil yfiehre welle,
Nüt isch dodruss worde, s' Stimmvolk isch drgege gsi,
Als Ersatz legge mir jetzt d' Beführworter hi.
© Fäldschnäggli `02
sowohl bim einte wie bim andere isch dr Lade dicht,
Ob mir die dien vermisse, das het me uns gfroggt,
Aber nai uns freut doch jede Zürcher wo uns nümme bloggt.
© Fäldschnäggli `02
Mir trinke numme Wasser und rauche keini Stümpe,
Uns fählt s' Gäld überall, mir mien do insistiere,
dr Bundesrot söll uns doch eifach d' Fasnacht finanziere.
© Fäldschnäggli `02
öbbis Negativs bim FCB – nei, do mien mir passe,
drmit's au öbbis z' singe git hän mir denn in dr Nacht,
In Rase vom St. Jakobs Park e huffe Löcher gmacht.
© Fäldschnäggli `02
um die Armeeabschaffig wird's und wird's nit still,
im Momänt sott's doch eigentlig dr Armee am Beschte goh-
jetzt wo d'Jugend sälte blöd isch und sich erscht no gärn duet schloh!
© Fäldschnäggli `02
45, 56, es macht uns richtig schissig,
wenn's d'Lottozahle wäre, wäre mir no guet drby,
aber es syn leider wieder mol unsri Skifahrer gsi!
© Fäldschnäggli `02
wieso denn arme Gross, was isch denn mit uns los?
Au wenn är unsre FCB zum Meischtertitel tribt,
Tatsach isch, dass är trotz allem Zircher blibt!
© Fäldschnäggli `02
s'Hanfverbot duet eh scho lang kai Schwein me interessiere,
über de Wolgge fliege, kasch denn mit däm Shit-
denn isch’s au nid so schlimm, wenn’s d’Swissair nümme git.
© Fäldschnäggli `02
und schyns praggtisch niemerem, isch das Biebli Wurscht,
ka zaubere ka fliege, wär wotti das nit,
hätt dr Corti das au könne, wäri d'Swissair hüt no fit.
© Fäldschnäggli `02
neuerdings wird gschlage statt e Liedli gsunge,
wenn ständig ein an Grind kriegsch, hänn mir uns do dänggt,
isch's jo logisch, das’s zum schriibe und zum Läse nümme längt!
© Fäldschnäggli `02
zum uns s'Autifahre z'vermise und z'versaue,
mir hän kai Ahnig, was sott luschtig sy do dra:
Me muess jo Autifahre, wenn me nümme fliege ka!
© Fäldschnäggli `02
aber nummeno mit Euro, ka me dörte tangge,
ei Fall aber git's und dört kunnt das nit druf a:
by dr Swissair, will me ohni Gäld, gar nit tangge ka!
© Fäldschnäggli `02
dr Schlüssel vom Schlüssel abgäh, sy syn jetzt nümme do,
umbaut wird e Joor, das isch e wirgglig langi Zyt,
warum dr Wärgghof das muess mache, verstöhn mir eifach nit!
© Fäldschnäggli `02
dört isch e sone Bild ghängt und das hän mir druff gseh:
Ein het e schwarzi Chute a, das muess dr Pfarrer sy,
Dr ander mit em wisse Schurz luegt wie ne Doggter dry,
dä mit em behelmte Chopf, dä schafft als Füürwehrmaa,
dr ander dört, wo d‘ Stroos vermisst, het ein z’viel trungge gha,
Die hämmer alli richtig tippt jetzt git’s e bitz Applaus,
Aber dä do mit em lange Bart isch nid dr Santiglaus.
© Fäldschnäggli `02
d‘ Pointe vom letschte Värs mit, und ihr hän gseit: jä toll,
jetzt sind ihr sicher alli wieder do und wartet sicher gspannt,
villicht händ ihr’s au gmerkt, mir hän euch in dr Hand,
Jä schmeckt denn ihres Ässe, wie isch denn do dä Wyy,
dusse isch übrigens dr Daag scho lang verbii,
s‘ nützt alles nüt es isch sowit, mir miens euch jetzt halt sage,
d‘ Pointe isch z‘ schwer gsi, mir hän se nümme möge trage.
© Fäldschnäggli `02
e Frächheit, dass uns s'Comité s'Jubiläum jetzt will raube,
doch halt grad im Momänt, do fallt's uns wieder y:
nur nach dr Fasnacht hänn mir s‘ Gfühl vo 50 Joor drby!
© Fäldschnäggli `02
D’Helge het gmolt dr Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!